Ró er hugleiðslu – og hugvekjudiskur sem ég las inn á haustið 2012.  Viðbrögðin hafa verið mjög góð, þ.e.a.s. fólki hefur líkað vel og getað nýtt sér diskinn á margvíslegan hátt, sem hvatningar, gegn kvíða, til slökunar o.s.frv. –

Ég hef fengið skemmtilegar og hjartnæmar sögur, út frá því hvernig  diskurinn hefur komið að gagni.  Hann er blandaður hugleiðsla og hugvekjur, eins og fram hefur komið.

Ég held að yngsti notandi sé fjögurra ára, og þá er það bara svona róleg mömmu/ömmurödd sem talar og róar, sem virðist hafa góð áhrif. –

Börn hafa beðið um Ró fyrir svefninn.  Ég fékk bréf frá konu sem var að jafna sig eftir aðgerð á sjúkrahúsi, hún sagði að Ró hefði hjálpað sér svo mikið,  – þetta var fyrir síðustu jól, og hún kom og keypti 10 diska hjá mér, til að gefa ættingjum og vinum.

Önnur kona sendi  þakkarbréf, en hún hafði komið  á hugleiðslunámskeið og fengið diskinn í kaupbæti.  Hún notaði hann til að komast í gegnum fæðringarhríðirnar og sagði það hafa hjálpað sér gríðarlega. –

Ró er skipt upp í fimm kafla

1. Æðruleysi  2. Sátt   3. Kjarkur  4. Viska og 5. Ró

Síðan er kafað á djúpið í þessi hugtök og hvernig þau eða það sem þau standa fyrir virka í okkar daglega lífi. –  Fjórar fyrstu hugleiðslurnar eru út frá Æðruleysisbæninni, en lokahugleiðslan er ca. 20 mín hugleiðsla þar sem legið er í hengirúmi á strönd.

Ef þú vilt nálgast Ró – þá hafðu samband í tölvupósti,  johanna.magnusdottir@gmail.com

Ég á nokkur eintök eftir, – einu sinni seldi ég Ró því ég var blönk – en nú get ég gefið diskinn,  þeim sem vantar Ró,   –  því ég er í góðu starfi og fæ nóg laun.  Bæði veraldleg og andleg  🙂

Facebook-síða fyrir RÓ