Titillinn vísar í það – að í stað þess að „nærast“ enn meira á fréttum af kórónavírus – að snúa vörn í sókn og mennta sig um það sem skiptir mestu máli,  um mannlega þáttinn!

Ég hef áhuga á að vera leiðbeinandinn þinn í að þekkja sjálfa/n  þig svo þú getir t.d. vitað hvað ÞÚ vilt  – en þinn vilji er ekki endilega vilji allra annarra í kringum þig  🙂  ….

Hvað geri ég best – og hvað finnst mér skemmtilegast að gera? –
Því er fljótsvarað:  Það er að kenna og deila því sem ég hef lært með öðrum í því markmiði að bæta heiminn. –

Það var á lokaárinu minu í guðfræði sem ég fór fyrst að heyra um meðvirkni – og mér var bent á að ég væri meðvirk.   Það var prestur sem tók mig í starfsþjálfun sem rétti mér bókina „Aldrei aftur meðvirkni“ – en ég eiginlega bara skildi ekkert í þessu og kannaðist ekkert við mig í þessum pakka –  og lagði bókina á hilluna aftur.   Þetta var árið 2002.
Svo var það árið 2011 að ég skráði mig á námskeið um meðvirkni í Skálholti – og þaðan var ekki aftur snúið,  vissulega frá Skálholti,  en ekki frá vitneskjunni.   Ég þakka endalaust að fá að læra um og skilja hvernig meðvirkni virkar í okkar lífi, hvernig hún er í raun eins og eitur.

Síðan er mikið vatn runnið til sjávar,  meiri lærdómur tekinn inn – og ég hef skrifað marga pistla  um efnið,  sá þekktast e.t.v.  „Meðvirkni er ekki góðmennska“ …

En til að gera laaaanga sögu stutta,  þá ætla ég að bjóða upp á námskeið á netinu – á facebook  í grúppu sem heitir bara NUM  ❤      (Námskeið um meðvirkni – og svo hjarta á eftir – og hjartað skiptir miklu máli – því þegar við erum mjög meðvirk skortir okkur oft þetta  ❤   eða sjálfsástina.

Nýtt námskeið um meðvirkni: Orsakir – afleiðingar – og hvernig við vitum hvenær við erum meðvirk og hvenær bara t.d. góð? –
Er meðvirkni stjórnsemi – eða er hún kannski umhyggja?
Hversu skaðleg er meðvirkni í raun?

Ég mun einnig blanda inn í umræðuna sjálfsstyrkingu og kvíðalosun – og bara allskonar ráðum til betri lífsgæða. 😉

Mér finnst best að tala inn í tímana eins og þeir eru, þannig að ég læt umhverfið svolítið ráða hvað verður á dagskrá á hverjum degi – tala inn í aðstæður hvern dag.

Námskeiðið byrjar miðvikudag eftir viku kl. 16:00 á íslenskum tíma. (Það er beina útsendingin – en hægt að horfa eftir á).
Það fer fram í fyrirlestrum í lokuðum hópi. Fyrirlestrarnir verða fjórir, 8. apríl – 15. apríl – 22. og 29. apríl.

Verð fyrir þetta námskeið er einungis 1400.- krónur 😉 …

Hvort sem þú ert að pæla í eigin meðvirkni eða annarra þá vertu velkomin/n. Alltaf gott að fræðast og maður getur endalaust á sig blómum bætt.

Vinsamlega sendu þátttökuósk á mig hér í skilaboðum eða á netfangið: johanna.magnusdottir@gmail.com

Ég mun, að námskeiði loknu, í lok apríl – bjóða upp á framhald sem verður sett upp á svipaðan hátt og grúppurnar sem ég var með hjá Lausninni, þar sem ca. 10 manns „hittast“ í 90 mín og þar verður gagnvirkt samtal í gegnum zoom fundarbúnað. (Segi nánar frá því í hópnum sem mun byrja).

Deilið gjarnan