Ég gleypti fíl ..

„Hvernig borðar maður fíl?“ …  spurði grískukennarinn þegar ég stundi yfir álaginu við grískunámið í guðfræðideildinni á sínum tíma.-

Jú,  með því að taka einn bita í einu auðvitað. –

Nú líður mér eins og ég hafi gleypt fíl, og hann tekur of mikið pláss innan í mér.  Það er þröngt fyrir hjartað og þröngt fyrir lungun og þá er erfitt að anda. –

Það er þó ýmislegt sem léttir á pressunni,  svona inn á milli.

Litla Eva,  Eva Rós var hjá okkur í eftirmiðdag og kvöld,  en yndisleg vinkona – yndislegt vinafólk lánaði okkur húsnæði í Reykjavík svo við gætum sinnt erindum og verið nær fjölskyldunni um helgina.  Húsinu fylgir heitur pottur og allir fóru í heita pottinn og Eva Rós tilkynnti að hún væri „í baði með vini sína“ –  og barn er blessun og hægt að brosa og svo kemur hún í fangið á ömmu Jógu og faðmar svo fast.  Reisir sig svo upp og við horfumst í augu,  djúpt, djúpt og þá er hún ekki lengur tveggja heldur eins og einhver sem veit eitthvað.

Samfélagið við börn er heilandi,  þau eru svo heil og hrein.

Ég gleðst yfir öllu nýju börnunum sem eru að fæðast,  litla frænda, Magnúsar – og Kötusyni,  afabarni Bjössa bróður og Addýjar mágkonu sem kom í heiminn á afmælisdegi ömmu Völu í nóvember,  litlu stúlkunni hennar Þóreyjar, Evu Lindarvinkonu, sem fæddist núna fyrir nokkrum dögum,  lítill nokkurra mánaða Klörusonur er í þeim hópi og svo var að koma önnur lítil Önnu Guðrúnar dóttir,  svo yndisleg var ég að sjá á Facebook.   Að ógleymdu því að Sylvía vinkona var að verða amma og hún Róslín vinkona mín var að verða föðursystir.

Lífið er að kvikna allt í kring,  mitt í dimmri sorg.

Já, „tilveran er undarlegt ferðalag“…

Það er erfitt að kyngja því að stelpan mín er farin,  að ég mæti henni ekki aftur á lestarstöðinni í Árósum,  ég skimi eftir henni út um lestargluggann og faðmi hana fast, fast á brautarpallinum.

Það er erfitt að kyngja því að horfa upp á sorg yngri systkina hennar.  Sorg pabba hennar,  sorg vinkvenna,  sorg vina,  sorg frænkna og sorg frænda, sorg ömmu,  sorg barna hennar,  barnabarnanna minna – það eru margir snertir.

Ég gleypti fíl í heilu lagi,  það tekur tíma að losa sig við hann,  það er ekki hægt að skila honum í heilu lagi til baka,  það tekur tíma,  bita fyrir bita.

Eva sagði að þetta yrði erfiðara fyrir okkur en hana,  hún færi en við myndum syrgja, – svo bætti hún við „þú skilur þetta mamma“  þó það væri yfirýsing en ekki spurning – þá jánkaði ég því …… því ég skildi það, en það var samt sárt að heyra.

Mig langar að reynast mínu fólki ljós,  eins og það að sjá nýfæddu börnin eru mér ljós.

Eins og barnabörnin eru mitt ljós.

Að sjá þau blómstra gefur nýja von.

Að sjá  systkini Evu LIndar blómstra gefur líka nýja von.

Það tekur sinn tima.

Ég þarf að fylla á ljósið.

Þannig saxast á fílinn. 2163399_f520[3]

Auglýsingar

9 hugrenningar um “Ég gleypti fíl ..

  1. Taktu allan þann tíma sem þarf þá hverfur fíllinn smá saman og eftir verða ljúfar og ómetanlegar minningar.
    Ég þarf ekki að segja þér að þú ert í bænum mínum á hverju kvöldi og í hvert skipti sem þú droppar upp í huga mér.
    Kærleik til þín ljúfust og allra þinna

  2. ..ég hef engin ráð elsku Jóhanna mín. heyri fólk segja að stærri verða höggin ekki í lífinu en að missa barn. og skil það. á hins vegar í hjarta mínu stórt þakklæti fyrir að hafa hitt einmitt þig. sem ég þakka af öllu hjarta.ég sendi þér risaknús í huganum.Hallgerður …

  3. .. já svo sannarlega bita fyrir bita að fylla allar vistarverur þínar af ljósi knús og kram til þín og þinna set ykkur í bæna bókina mína og taktu þinn tíma til heilunar með guðs orði. kv.Erla

  4. Hugur minn leitar endalaust til ykkar, ég sendi ykkur allt það góða sem ég get. Guð geymi ykkur öll og styrki á þessum erfiðu tímum elsku Jóhanna.

  5. Þú ert ótrúleg Jóhanna mín að koma orðum að öllu, hvort sem er erfiðleikar eða hamingja. Allt blandast þetta saman , þar sem minningar kalla líka fram gleðina.
    Þú ert í leiðinni að hjálpa svo mörgum sem eiga erfitt og þakka þér hvort sem er í skrifum eða hugsun.
    Einn dagur í einu , 1 klukkutími í einu eða 1 biti í einu , allt hefur sinn tíma og sitt rúm og mundu að þú getur leitað til okkar allra sem eru í kringum þig. Passaðu uppá þig heillin mín, því það er svo auðvelt að missa orkuna ef maður man ekki eftir sjálfum sér. Ég veit þú hefur frábæran stuðning í þinni fjölskyldu , maka og vinum. Leyfðu þeim/okkur líka að gefa þér því þú hefur gefið svo mikið af þinni góðmennsku og heilræðum .
    Risaknús á þig elsku vinkona. ❤

  6. Bakvísun: Mest lesið á árinu 2013 | johannamagnusdottir

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s