Viðhorf vonar eða ótta ..

Kona var að tala við Abraham og hún sagði:  „Ég er svo kvalin,  ég er með  gigt í mjöðmunum og mér líður allar stundir illa.  –  Hvernig get ég hugsað um líkama sem líður vel þegar hann er svona  kvalinn?“

Abraham:   „Þú verður að aðgreina  það sem er að gerast,  frá því hvernig þér líður varðandi það sem er að gerast.   –

!þú ert í gigtveikum verkjuðum líkama og tilfinningin er ótti“
eða
„þú ert í gigtveikum kvöldum líkama og tilfinningin er von.“

Munurinn á von eða ótta er munurinn á bata eða ekki. 

Abraham/Esther  Hicks  (í viðtali við Oprah Winfrey)

Upprunalegi textinn:

A lady was talking to Abraham and she said  „I´m in such pain  I have arthritis in my hips  and every moment I feel uncomfortable    –  how can I think about a good feeling body when my body hurts so much? “  Abraham said:   „You have to separate what´s happening from the way you feel about what´s happening,  in other words:

„You are in a painful arthritic body and you feel frightful“
or
„you are in a painful arthritic body and you feel hopeful.“

The difference between hope and fear is the difference between recovery or not.  

good

Besta „Ketó“ fitan …. og sú versta

Besta fitan til að borða og Ketó mataræði

1. Avókadó 

Avókadó er ávöxur sem er mjög hollur fyrir hjartað.    Það eru líka trefjar í avókadó sem hjálpa við meltinguna.

2. Ólífuolía

Gott er að nota ólífuolíu þegar við erum að léttsteikja,  í salatdressingu eða til að hella yfir  salat eða grænmeti.

3. Avókadóolía

Eins og  ólífuolía virkar avókadóolían gegn bólgum,  hún er hitaþolnari en ólífuolían.

4. Hnetur  and smjör úr hnetum

Það er ómettuð fita í hnetum,  en við þurfum að gæta að kaloríunum og það eru líka kolvetni í þeim  – svo gott er að skoða  miðann.

5. Chia fræ  og hörfræ 

Góð  vegna omega 3 fitusýranna.    Best er að borða mulin hörfræ – til að líkaminn geti tekið upp omega 3.

 

4 fitutegundir til að  borða í hófi á Ketó mataræði

1. Ostur

Ein ostsneið inniheldur 115 kaloríur.  Vegna þess að í osti er mettuð fita þarf að borða hann í hófi,   en í hófi er hann góður,  t.d. 1, 5 sneið á dag.

2. Rjómi

Það er í lagi að nota rjóma í kaffið,   en  við verðum að muna að rjómi er mettuð fita og því  þarf að nota hann í hófi eins og ostinn.

3.  Kókósolía

Kókósolían er umdeild,   en margir álíta hana  allra meina bót.    Hana ber þó að snæða í hófi.   Í henni er líka mettuð fita.

4. Smjör 

Ekki borða smjör í óhófi því það getur haft slæm áhrif á heilsuna.   Borðist í hófi.

Versta fita á Ketó mataræði

Transfita eða mettuð fita. 

Allir ættu að halda sig frá  mettaðri fitu.   Ekki bara þeir sem eru á Ketó fæði.    Hana er hægt að finna í  sumu kjöti og mjólk  (en við höldum okkur reyndar frá mjólk á Ketó mataræðinu vegna þess að hún er hákolvetna).    Það þarf líka að passa sig á unnum matvörum því að þar er oftast mettuð fita.

 

Ég þýddi þetta upp úr þessum pistli – en þar er líka mun ítarlegra farið í hvern lið.

https://www.everydayhealth.com/ketogenic-diet/diet/best-worst-fats-eat-on-keto-diet/

 

Með opið hjarta ..

Í messuformi hinnar íslensku Þjóðkirkju er bæn sem kölluð er upphafsbæn.   Orðin eru stundum þulin upp hugsunarlaust,  en þau eru í raun þaulhugsuð. –   Ég ætla ekki að birta alla bænina hér, einungis línu úr bæninni sem ég ætla að fjalla um hér:

„Opna þú með þínum heilaga anda hjarta mitt .. “ ..

Hvers vegna í ósköpunum biðjum við Guð að opna hjarta okkar?   –  Hver er tilgangurinn með því eiginlega? –    Í framhaldi mætti spyrja;  hvers vegna erum við mætt saman í tilbeiðsluna? –  Er ekki nóg að vera einn heima með sjálfum sér og Guði? –

Ég veit ekki með ykkur,  en mér finnst mjög gaman að upplifa með öðru fólki –  t.d. að fara í bíó með einhverjum sem hlær innilega og tengjast þannig í hlátrinum. –    Svo er það ótrúlega magnað að gráta saman,  biðja saman  og dást að náttúrunni saman. –

Þegar ég er að aka Suðurlandið – þá óska ég svo oft að einhver sé með mér í bílnum að sjá það sem ég sé og segja „vá“ með mér yfir dýrð náttúrunnar.

Hvað hefur þetta allt með opið hjarta að gera? –       Opið hjarta er eins og heimboð til okkar.   Við opnum dyrnar og segjum við náungann:   Vertu velkomin/n  í mitt rými – ég er með þér.     Með lokað hjarta er eins og við séum  með lokaðar dyr að herberginu okkar og setjum á það skilti:  „vertu úti“ ..

Auðvitað þurfum við stundum frið frá öðru fólki og dveljum í einrúmi –   og það finnur hver og ein/n fyrir sig og  við drögum okkur í hlé  –  kannski ekki síst til að tengjast okkur sjálfum og taka á móti sjálfsást og ást Guðs –  Æðri máttar –  lífsorku .. eða hvaða nafni sem við köllum uppsprettuna.

Margt fólk í samböndum kvartar yfir maka sínum, –  „hann er svo lokaður“ .. eða „hún er svo lokuð“ ..    og þá er það auðvitað þetta lokaða hjarta. –

Auðvitað eru ástæður fyrir því að fólk er með lokað hjarta. –    Það eru yfirleitt sár eða áföll sem hafa lokað hjartanu.   Fólk þorir ekki alveg að opna „dyrnar“  því það gæti eitthvað vont læðst inn. –      Það þarf hugrekki til að opna hjartað,  sérstaklega þegar það hefur verið sært – og þá þykir öruggara að hafa allt í lás. –

„Bátur er öruggastur í höfn,  en tilgangur bátsins er að sigla“ ..   Hver er tilgangur mannsins?   Að vera í öryggi? –    Lífið er í sjálfu sér áhætta, –  og það er áhætta að elska,  því að við getum misst,  og við missum,  en við viljum samt ekki missa af því að elska – eða hvað? 

En hvað þá með að koma í öruggt rými, –  sem er helgidómur og opna hjarta sitt með fólki sem er líka að biðja heilagan anda um að opna sitt hjarta? –     Þar sem kærleikurinn er boðaður,  gleðin og ekki síst  mikilvægi nærverunnar og þá ekki síst nærvera Jesú Krists?

Jesús var svo „kúl gaur“   – svo ég noti orðalag unga fólksins.    Hann benti á það sem var rangt – og hann  var ekki fylgjandi þöggun.   Við erum svona rétt að þora að fylgja í hans fótspor í dag.     Kannski er það líka vegna þess að við þorum að lifa berskjölduð  (með opin hjörtu?) –  og taka því sem koma vill,  vegna þess að það er í raun að lifa lífinu lifandi?   –

Hvað ef ljós okkar er í hjartanu okkar? –   Eigum við að setja það undir mæliker og fela eða eigum við að láta það lýsa svo aðrir sjái og gefa þannig af okkar ljósi? –

Hvernig tengjumst við ljósi annarra?

Nándin og tengingin fæst aðeins með því að við opnum hjörtun  –  og lífið verður bara svo miklu, miklu meira LÍF með opið hjarta.    Jú, við erum auðsæranleg og finnum til,  en það að finna til er að vera til.   

Guð opna þú með þínum heilaga anda hjarta mitt.   

tilfinningar